Apple автомашинд бүтээгдэхүүнээ нэмлээ

Apple компани iOS системээ автомашинд нэвтрүүлэх эхний алхамаа албан ёсны сайтаараа зарласан юм. CarPlay нэртэй энэ систем нь автомашин дотор суурилснаар iPhone-той бүрэн холбогдож, жолоо барих зуураа ашиглах боломж олгох юм.





Үүнд жолоон дээрээс дуу хоолойгоор "Siri" удирдан дуудлага хийх, Газрын зураг болон iTunes Radio сонсох гэх мэт олон үйлдэл хийх боломжтой юм

Мөн ирсэн мессэжийг дуу хоолойгоор уншуулан сонсож, шинэ мессэжийг дуу хоолойгоороо хэлж бичүүлэх боломжтой.

Энэхүү систем iOS 7-гийн дараах хувилбар дээр нэмэгдэх ба iPhone 5, 5c, 5s утаснуудтай ажиллах гэнэ.

Энэ ондоо багтаж Ferrari, Mercedes Benz, Volvo-гийн зарим загваруудад нэвтэрнэ. Мөн BMW, Ford, General Motors, Honda, Hyundai, Jaguar Land Rover, Kia, Mitsubishi, Nissan, Peugeot Citroen, Suzuki, Toyota зэрэг бусад үйлдвэрлэгчид ч нэвтрүүлэхээр бэлдэж байгаа гэнэ

Жишээ болгож Volvo-гийн CarPlay видео танилцуулга хийгдсэн байна